UMUHOZA M. Chantal Koreya ya Ruguru yarashe misile yo mu bwoko bwa ballistic igana mu nyanja ku wa Gatatu, tariki ya 12 Kanama 2026, mu gihe Amerika na Koreya y’Epfo bitegura gukora imyitozo ihuriweho ya gisirikare.
Igisirikare cya Koreya y’Epfo cyatangaje ko iyo misile yarashwe ahagana saa kumi n’ebyiri za mu gitondo, ivuye mu gace ka Wonsan kari ku nkombe z’iburasirazuba bwa Koreya ya Ruguru.
Raporo z’abayobozi bo muri Koreya y’Epfo zigaragaza ko misile yaguye mu nyanja hanze y’akarere k’u Buyapani gafite ububasha bwihariye mu bukungu, bityo ntigera ku butaka bw’u Buyapani.
Koreya y’Epfo yakajije ubwirinzi kandi ikomeje gukorana n’Amerika n’u Buyapani mu gukurikirana ibikorwa bya gisirikare bya Pyongyang.
Iki gikorwa kibaye mu gihe Amerika na Koreya y’Epfo bitegura gutangira imyitozo ikomeye ya gisirikare izaba kuva ku wa 17 kugeza ku wa 27 Kanama. Koreya ya Ruguru isanzwe ivuga ko imyitozo nk’iyi ari ubushotoranyi kandi ko ishobora kuba imyiteguro yo kuyitera.
Koreya ya Ruguru imaze igihe ikora ibizamini bitandukanye bya misile, mu gihe umubano wayo na Koreya y’Epfo, Amerika n’u Buyapani ukomeje kuba mubi.
Source: Reuters
