UMUHOZA M. Chantal Perezida wa Leta Zunze Ubumwe za Amerika, Donald Trump, ashaka kongera igitutu ku bukungu bwa Iran.
Reuters yatangaje ko Leta ya Amerika ishobora gufata izindi ngamba mu gihe amakimbirane hagati y’ibihugu byombi akomeje.
Kimwe mu byashoboka ni gufatira ibihano inganda z’Abashinwa zitunganya peteroli, zizwi nka “teapots”. Izi nganda zigura igice kinini cya peteroli Iran yohereza hanze.
Amerika kandi ishobora gufatira ibihano amabanki manini yo mu Bushinwa akora ibikorwa by’imari bifitanye isano na Iran. Icyakora, Reuters ivuga ko ibi bishobora kongera umwuka mubi hagati ya Washington na Beijing.
Indi ngamba ni gukomeza gufatira ibihano abantu n’ibigo bifasha Iran kurenga ku bihano. Amerika ishobora kandi kongera ibihano ku rwego rw’ingendo z’indege.
Hari n’igitekerezo cyo gushyiraho blokade ku butaka bwa Iran. Icyakora, iri ngamba ryasaba ubufatanye bw’ibihugu birindwi bituranye na Iran kandi rishobora kugorana gushyirwa mu bikorwa.
Trump kandi ashobora gusaba ko hashyirwaho imisoro ku bihugu bikomeje gukorana n’Iran. Icyakora, iyi gahunda iracyakeneye izindi nzego z’amategeko kugira ngo ishyirwe mu bikorwa.
Kuva Trump yatangira manda ye ya kabiri, Amerika imaze gufatira ibihano abantu, amato n’indege birenga 1,000 bifitanye isano na Iran.
Reuters ivuga ko Leta ya Amerika ishaka kongera igitutu ku bukungu bwa Iran, mu gihe ibiganiro byo gushaka igisubizo cy’amakimbirane bikomeje kugorana.
